LILIANE & IGOR

​"Nôs ê di mesmu zona, Achada Santo Antônio. Liliane ta passaba tudu dia frenti nha porta, nu ta falaba ku cumpanheru, ma n tinha um pouco di vergonha, pamodi ami ê amigo di si primo i si primo ta flaba nôs pa ninhum si amigo pa ka da si prima fala. Ma dipôs nunca mas n odjal. N pergunta pa êl i ês flam ma ê viaja. 

Passado munti anu n kaba pa viaja pa USA i ê foi di kês primero alguém ki n odja. N fica uma contenti di odjal, ma vida dja tinha nôs separado, cada um ku si destinu. Nu troca contatu i nu fica ta fala sempri. N pidiba buleia, n ta flaba êl ma n dexa chavi dentu carro i ê ta ba poba mi durmi na sofá na si casa.

Um dia na festa di anu di nôs amigo n kaba pa flal ma sempri n gosta dêl, ma destino nunca daba mi oportuninadi di flal. N flal pê dam um oportunidadi di mostral. Ê flam ok, ma pam dal um tempu pê bai fala ku si mãe i si prima Tânia. Calha ki ês dôs fla ma mi ê bom rapaz i pê dam um chanci. Depôs ki ê flam sim n ka exita di agarra mudjer ki sempri n gosta.

Deus torna pom na si caminho i agora ê nha futura esposa. Ku fé na Deus, na dezembru n ta realiza nha sonhu di casa ku mudjer di nha vida.

Kela kê nôs storia ti txiga na pedido de casamento na agostu di 2023."

​

- By Igor